SIUDAT DI MÉXICO, AP.- Presidente di México, Andres Manuel Lopez Obrador a afirmá ku lo reforsá kontrol di inmigrashon di su gobièrnu, enfoká riba regulashon di entradanan na sùit di frontera.
“Nos mester evitá un konfrontashon ku e gobièrnu di Merka”, segun Lopez Obrador.
México a desplegá 6.500 miembro di Vigilante Nashonal na sùit di e pais, aparte di 15.000 sòldat a lo largu di parti nort di frontera, den un intento pa redusí e kantidat di migrantenan ku ta biaha atraves di e pais su teritorio pa yega Merka.
Imágen di sòldatnan deteniendo muhénan i muchanan ku a purba krusa Riu Bravo rumbo pa El Paso, Texas, a kousa indignashon durante fin di siman na México.
Lopez Obrador a bisa ku no a emití ningun òrdu pa e sòldatnan detené e migrantenan ku purba drenta Merka i a primintí un investigashon.
