WASHINGTON, AP.- E matansa den un iglesia di Texas ta generando un frustrashon ya bastante konosí pa outoridat: agentenan di FBI no por drenta den telefòn di e atakante i mira si e tin informashon relevante paso no tin forma pa drenta den e sistema kodifiká.
E detayenan di e atake kaminda mas di dos desena persona a muri posiblemente lo kuminsá un debate riba e ekilibrio entre derechi di privasidat i seguridat nashonal, pero no ta probabel ku tin kambio den leinan riba término kòrtiku.
Kongreso no ta parse di kier aprobá leinan ku ta aprobá empresanan teknológiko pa yuda gobièrnu pa desifrá e kódigonan di telefòn i kòmpiuternan. E debate intenso pa ku un disputa entre FBI i Apple a terminá na momentu ku outoridat federal a bisa ku a haña un forma pa desifrá e kódigo di e telefòn usa den un otro episodio di terorismo sin yudansa di e empresa.
E asuntu a hala atenshon atrobe djamars, na momentu ku Chrsitopher Combs, agente spesial na kargo di ofisina di FBI di San Antonio, a bisa ku su agentenan no por mira kiko tin den e telefòn di Devin Patrick Kelley.
