KABUL, AP.- Por lo ménos shete persona a muri i 15 mas a resultá heridá djadumingu na momentu ku un atakante suisidio a eksplotá su chaleko kargá ku eksplosivo den e kapital na Afganistan.
E bosero di polis di Kabul, Hashmar Stanekzai, a bisa ku e atake a pasa dilanti di e Ministerio di Rehabilitashon i desaroyo Rural. El a agregá ku e sifra di morto probablemente lo oumentá.
Te ainda, ningun persona a tuma responsabilidat pa e atake, pero talibannan i un filial di e grupo ekstremista Estado Islámiko ta ataká ophetivonan di gobièrnu regularmente den e kapital i otro partinan di e pais.
Luna pasá, un persona suisida a aserká e mesun ministerio aki, matando 12 persona i heridando 31 mas, den su mayoria empleadonan di gobièrnu.
