BUFFALO, NEW YORK, MERKA, AP.- Un avion di JetBlue Airways a hasi un aterisahe di emergensia na Buffalo, New York, despues ku pasaheronan a hole gasnan straño i tres tripulante a sinti malu durante e buelo.
Polis di aeropuerto a tweet djaweps ku a tripulantenan a wòrdu hibá hospital dor ku nan a sinti malu i ku a pidi un otro avion pa asina transportá e pasaheronan pa su destino. E avion a bula di Boston pa San Diego.
E bosero di JetBlue Doug McGraw a bisa djabièrnè ku e insidente ainda ta wòrdu investigá i ku no tin mas detaye den esaki.
“McGraw a bisa ku ta relativamente” raro ku tin holónan straño na bordo di un avion i ku e aerolínea a instalá filternan di karbon pa asina minimisá e insidentenan aki.
Un pasahero a bisa na e kanal di televishon WFXT-TV, di Boston, ku e gas a yega te den kabina i ku e i otro pasaheronan a reportá doló di kabes. Videonan di pasaheronan a mustra bomberonan drentando e avion i atendiendo un asistente di buelo den terminal di e aeropuerto.
