STOCKHOLM, SUESIA, AFP.- Kuater avion di kombate ruso a violá brevemente e espasio aéreo sueko na ost di e isla di Gotland den laman Baltiko, asina e estado mayor a indiká mei mei di tenshon ruso oksidental pa e guera den Ukrania.
Den e konteksto aktual, nos ta tuma e insidente hopi na serio. Ta un akshon iresponsabel i poko profeshonal pa parti di Rusia, asina e komunikado a bisa. E ‘dos Sukhoi Su-27 i dos Sukhoi Su-24” a violá e espasio aéreo sueko i e interseptornan di Gripen por a dokument’é. “Esaki ta demostrá ku nos preparashon ta bon. Nos ta den e lugá pa garantisá e integridat teritorial i fronteranan sueko”.
Ehersisio konhunto ku avionnan di kombate finlandes a tuma lugá ayera na Gotland, segun medionan sueko. E isla ku tin un posishon stratégiko den laman Baltiko i ta na poko mas ku 300 kilometer di e enklave ruso di Kaliningrado a risibí refuerso sueko na yanüari, durante di e promé tenshonnan na Ukrania.
