PARIS, FRANSIA, AFP.- Fuerte i seduktor, esei ta e hefe di diplomasia ruso Serguei Lavrov ku a pasa awor den algun dia di tabata un negoshadó talentoso pa un ‘paria’ esei den bista internashonal, na punto di keda bòikotiá durante di su intervenshonnan den ONU.
Nombra komo minister di relashonnan eksterior pa Putin na 2004, e hòmber haltu i boluntariamente brutu, ta opheto di sanshon internashonal pa su ròl den e guera na Ukrania.
Serguie Lavrov ta ehekutá fielmente pa dos dékada kaba e polítiko di presidente ruso Vladimir Putin. Na momentu ku el a risibí su homólogo britániko Liz Truss ku a biaha pa Mòsku pa purba evitá un fuera na Ukrania, esaki a puntr’e “bo ta rekonosé e soberania di Rusia den e regionnan di Rostov i Voronezh?’. E minister ku tabata realisando su promé bishita na Rusia a kai den e trampa. Reino Uni lo no rekonosé nunka e soberania di Rusia den e regionnan menshoná, asina el a bisa apesar ku Rostov del Don i Voronezh ta simplemente dos siudat ruso pegá ku Ukrania.
E eror ku a keda koregí rápidamente pa e embahador britániko, a pone ku Lavrov a deklará ku e ta desepshoná pa e kombersashon. I despues asta el a akusá su homólogo di a prepará su mes masha malu pa e reunion.
