HIROSHIMA, HAPON, AP.- Áwaseru torensial a asotá sùit di Hapon djadumingu, kousando por lo ménos 48 morto, segun informashon di outoridat.
28 persona ta pèrdí i ta teme ku nan a fayesé tambe.
Tin un kantidat grandi di víktima, inkluyendo outonan di bòltu i lastrá pa e koriente den e provinsia di Hiroshima, segun e bosero ofisial Yoshihide Suga.
El a agregá ku 40 helikòpter ta partisipando den mishonnan di reskate.
E promé minister Shinzo Abe a atvertí ku e situashon ta unu hopi grave.
“Nos ta koriendo kontra tempu”, asina Abe a bisa na reporteronan.
