HOUSTON. AP.- Awaseru torensial a provoká inundashon den partinan di Houston i a obligá realisashon di un kantidat grandi di reskate djamars. Mas lat e áwaseru a para pero outoridatnan a pronostiká mas yobida di awa i a rekomendá siudadanonan pa keda alerta.
“E inundashonnan aki ta parti di e bida na sùitost di Texas”, segun Michael Walter, bosero di Ofisina di Maneho di Emergensia di Houston.
Outoridatnan a plania pa manda vehíkulonan di emergensia i kita barikadanan preventivo den diferente zona di e siudat, asina el a agregá.
Servisio Meteorológiko Nashonal a emití un atvertensia di inundashon repentino vigente te djárason mainta.
Mayoria kaya, kaminda i besindario inundá djamars a sufri e mesun problemanan ku den pasado. Asina Jeff Lindner, meteorologo di kondado Harris a informá.
“Esaki ta un di e eventonan marginal kaminda áwaseru a para promé ku esaki kousa problemanan realmente grave i afektá mayoria kas”.