MOSCO, RUSIA, AFP.- Belarus a introdusí kondena di morto pa tur intento pa ehekutá aktonan di terorismo, segun agensianan ruso a reportá djárason. Vários aktivista opositor ta enfrentá e tipo di akusashonnan aki den e pais.
Belarus, un aliado serkano di Rusia i kende a sostené su ofensiva militar na Ukrania, ta e úniko pais den Europa ku ta ehekutá pena kapital apesar di petishonnan pa un “moratorio”.
“Lukashenko a firma un lei pa e posibilidat di pena kapital pa tur intento di aktonan terorista”, segun indikashon di agensia di notisia RIA Novosto, sitando un wèpsait pa informashon legal di gobièrnu.
Dos aña pasá, Belarus a registrá protestanan históriko despues di reelekshon di presidente Alexander Lukashenko, kende a manehá e pais ku man di heru den e último dos dékadanan.
Míles di aktivista a wòrdu arestá i lidernan krusial di e movementu oposishon ta detené òf den eksilio.
