NEW YORK, MERKA, AFP.- Hustisia merikano a kondená e hondureño Geovanny Fuentes Ramirez na bida largu di prizòn i un but di 151.7 mion di dòler despues di ku un hurado a konden’é pa konspirá ku kargonan polítiko haltu, entre nan eks presidente Juan Orlando Hernandez, pa manda tònnan di kokaina Merka.
“Geovanny Feuntez Ramirez a keda hañá kulpabel di importá tònnan di kokaina den Merka i protehá su negoshinan ilegal ku metrayado”, asina Damian Williams e fiskal a bisa den un komunikado den kual el a anunsiá e kondena imponé pa e hues instruktor Kevin Castel.
Fuentes di 52 aña a soborná funshonarionan haltu di Honduras i tabata responsabel di aktonan brutal di violensia i asesinato, segun e sentensia. Un hurado a hañ’é kulpabel na mart di 2021 despues di dos siman di huisio.
“E kaminda di destrukshon ku Fuentes Raminez a kana tantu ku violensia komo ku inundá Merka ku Kokaina a yega na su final i e lo pasa su bida den prizòn federal” Williams a indiká.
