PHILADELHIA, AP. – Fiskalnan a bisa djamars ku nan kier pa 13 muhé mas deklará den e huisio di e komediante pa abusu seksual.
E kaso penal kontra e aktor 79 aña ta rospondé na solamente un enkuentro den su kas serka di Philadelphia, ku eks empleado di Universidat di Temple, Andrea Constand. Pero un hues por permití ku fiskalnan ta presentá evidensia di otro kasonan, asta si no a fórmula kargonan ainda, pa mustra un patronchi di kondukta.
Fiskalnan a bisa ku a revisá e denunsianan hasí kontra Cosby pa 50 muhé i a konkluí ku 13 por testifiká. ‘Cosby a wòrdu detené den desèmber despues ku investigashon di e kaso di Constand a bolbe wòrdu habrí pa publikashon di e testimonio di e aktor den su demanda i un ola di señalashonnan nobo di muhénan ku ta bisa ku nan a wòrdu abusá pa e komediante vários aña pasá.
Cosby ta mustra mas saludabel na momentu ku el a yega pa su oudiensia ayera, ounke abogadonan a bisa hues ku e ta siegu.
