CARACAS, AP.- E sistema eléktriko a sufri un fayo kual a laga esaki for di servisio durante vários ora den e kapital venezolano i parti di e estadonan di Miranda i Vargas.
Un fayo den un stashon sentral di Santa Teresa na Miranda, a afektá 80% di Caracas, segun indikashon di e Minister di Energia Eléktriko, Luis Motta Dominguez, riba su kuenta di Twitter.
Despues di un konseho di ministernan realisá den e palasio di gobièrnu, Rodriguez a señalá ku e fayo a okashoná “e kaida di un liña importante” ku a afektá e suministronan di elektrisidat na Caracas i Vargas.
E minister a splika ku ya a identifiká e fayo pero ku debí na áwaseru i difikultatnan di akseso na e zona, e reparashon a kompliká.
Kasi mèrdia, Motta Dominguez a informá ku a rekuperá 90% di e servisio an Caracas.