LA PAZ, AP.- Senado Boliviano, dominá pa e partido di eks presidente Evo Morales a aprobá un proyekto di lei di inmunidat pa diferente lider polítiko i sivil, nashonal i estranhero, pero e presidente interino Jeaninne Añez a anunsiá ku lo no legalisá e proposishon si e wòrdu aprobá den Kámara di Diputado.
Ta trata di un otro vershon ku kámara di representante a aprobá den desèmber, ya ku Senado no a inkluí inmunidat pa e eks presidente, Evo Morales.
Senado a aprobá “Lei di kumplimentu di derechi humano”, anteriormente “Lei di Garantia”, kual mester pasa pe e Diputadonan aprobá. E partido di Morales MAS tin mayoria den e kámara aki. Despues ku e proyekto pasa den kámara di diputado e lo pasa pa esun ehekutivo.
E presidente di Senado, Eva Copa a informá ku e aprobashon di e proyekto ta dor ku e gobièrnu no a kumpli ku akuerdonan pa pasifiká e pais despues di un konvulshon sosial despues di elekshon di 20 òktober. Morales a gana durante e elekshon aki pero a renunsiá despues di a wòrdu akusá ku froude. El a buska refugio na Argentina i a fungi komo lider i hefe di e kampaña di su partido.
