BEIRUT, AP.- Un bombardeo kontra un pueblo bou di kontrol rebelde na nort di Siria a laga nuebe morto, inkluyendo un famia kompleto segun indikashon di aktivistanan di oposishon.
E bombardeo na Kfar Taal a sosodé komo kousa di un ofensivo di forsanan ofisialista na Idlib, un provinsia na nortwèst di Siria i den zonanan bou di dominio rebelde den área di Alepo.
Un akuerdo di tregua entre Rusia i Turkia a drenta na vigor algun dia pasa. Pero e aktonan di violensia a kontinuá apesar di e tregua akordá.
Opservatorio Sirio di Derechi Humano i e agensia di notisia Step a reportá ku nuebe persona a fayesé den e bombardeo, inkluyendo un famia kompleto. Ámbos entidat ta kulpa Rusia pa e atake aki.
E ofensivo ofisialista a desplasá míles di persona kaminda mayoria a hui pa zonanan serka di e frontera ku Turkia. Diferente kombatiente di ámbos partido a muri den e lucha.
Ekstremistanan vinkulá ku Al-qaeda ta dominá Idlib. 3 mion sivil ta biba akinan i Nashon Uni a atvertí okante un posibel krísis humanitario akinan.
