SAO PAULO, AFP.- E presidente di Brasil, Jair Bolsonaro a bisa djaluna ku e kier pa e karentena imponé pa vários estado wòrdu konkluí e siman aki, apesar ku e ministerio di salú a bisa ku e pandemia di coronavirus no a alkansá su kasonan máksimo ainda.
“Mi ta spera ku esaki ta e último siman di e karentena”, asina e lider a bisa sostenedónan dilanti di su kas ofisial na Brasilia.
Bolsonaro a kritiká e medidanan di karentena adoptá pa gobernadornan vários biaha, inkluyendo esnan enkargá ku e estadonan mas pobla manera Sao Paulo i Rio De Janeiro, pa para propagashon di e coronavirus.
Djabièrnè el a duna su minister di salú retiro, kende a bisa den pasado ku e restrikshonnan kual Bolsonaro ta konsiderá komo dañino pa e ekonomia. Brasil tin un poblashon di mas di 210 mion i tin mas tantu kaso di COVID-19 den Latinoamérika aktualmente. E pais tabatin mas di 38.000 kaso desde djadumingu inkluyendo mas o ménos 2.400 morto.
