RIO DE JANEIRO, AP.- Polis brasilero a informá djadumingu ku a kapturá un narkotrafikante importante buská for di 30 aña pasá. El a hasi vários siruhia pa evitá detenshon.
Luiz Carlos da Rocha, konosí komo “Kabes Blanku”, a wòrdu detené djasabra den estado di Mato Grosso. Kortenan brasilero a sentensi’é na mas di 50 aña di prizòn pa kargonan di tráfiko internashonal di droga i labamentu di plaka. Asina outoridat brasilero a bisa.
E kartel di Rocha tabata produsí kokaina na Colombia, Peru, Bolivia, i tabata eksportá esaki pa Europa i Merka atraves di Brasil i Paraguay, segun polis. Den Brasil so, outoridat ta kalkulá ku Rocha tabata transportá sinku tonelada di kokaina pa luna.
Polis a konfiská mas o ménos 10 mion di bienes di e narkotrafikante, entre nan avion, propiedatnan i outonan luhoso.
