MONTREAL, CANADA, AFP.- E gobièrnu di Canada a anunsiá ku entrante awe djamars ta prohibí e aplikashon TikTok riba telefònnan mobil ku nan ta duna na nan personal, indikando ku e ta un nivel haltu di rísiko inaseptabel, pa privasidat i seguridat.
“Den un telefòn mobil, e métodonan di kompilashon di dato di TikTok ta duna un akseso konsiderablemente na kontenido di e telefòn”, asina e minister di finansa, Mona Fortier a bisa, indikando mas algu den un komunikado ku e desishon a keda tuma komo medida di prekoushon.
“Nos no tin motibu pa kere ku na e momentu aki algun informashon di gobièrnu a keda komprometé”, asina el a sigui bisa. Un bosero di TikTok a bisa ku e desishon kanades di blòkia e aplikashon ta masha straño ya ku el a keda tumá sin indiká ku tabatin niun problema di seguridat spesífiko a lamentá ku e gobièrnu no a drenta den kontakto ku nan promé ku e anunsio ofisial.
E plataforma di video kòrtiku i viral popular aki, propiedat di e empresa chines ByteDance ta kada bes mas husgá pa paisnan oksidental ku ta teme ku Pekin por eksedé asina datonan di usuarionan di henter mundu.
