OTTAWA, CANADA, AFP.- Polis kanades a publiká dos òrdu di arestá di dos fugitivo sospechoso di un hinkamentu masivo kaminda por lo ménos 10 persona a pèrdè nan bida.
E atake den e komunidat indígena di James Smith Cree Nation i siudat di Weldon, ku a laga 18 herido tambe, ta entre un di e aktonan di violensia di mas grandi den historia di Canada.
Outoridatnan no a duna masha detaye di e krímen, ku eksepshon di deskripshon di e vehíkulo ku e sospechosonan a hui aden. Nan a keda identifiká komo Damien Sanderson i Myles Sanderson di 30 i 31 aña di edat, ámbos ku kabei pretu i wowo maron.
