NASHONNAN UNI, MERKA, AFP.- “No tin nada di gana ku un otro guera friu, segun e embahador di China a bisa na ONU Zhang Jun, na momentu ku el a haña palabra den e reunion eksepshonal i urgente di asamblea general di e organisashon, ku mester atendé un kondena riba e invashon ruso na Ukrania.
“E guera friu a kaba basta tempu kaba. E mentalidat di guera friu nasé den konfrontashon di blokeo mester para. No tin nada pa gana ku inisio di un guera friu nobo”, segun Zhang a bisa.
E diskurso tabata kontundente i a enfatisá ku “mester respetá e soberania i e integridat di tur pais”, meskos ku e konhunto di e prinsipionan di e karta di Nashonnan Uni. China a bisa “lo mi sigui trata konstruktivamente pa permití pas”.
“E seguridat di un pais no mester dependé di e seguridat di otro”, asina el a bisa promé ku el a boga pa reanudá e diálogo di OTAN, Union Oropeo i Rusia i pa tin na kuenta e preokupashon legítimo den materia di seguridat di tur e partidonan.
