MÒSKU, RUSIA, AFP.- Presidente ruso Vladimir Putin dekretá ayera vários medida pa kontra arestá e kaida di rublo, despues di sanshonnan oksidental pa e invashon di Ukrania, inkluyendo e prohibishon pa e residentenan transferí divisa pa ekstranhero, asina Kremlin a anunsiá.
Segun un dekreto publiká riba e página wep di Kremlin, e residentenan na Rusia tin prohibí pa transferí divisa pa ekstranhero for di awe.
Ademas di e medida aki, e eksportadornan ruso tambe ta obligá na kombertí nan rublo den 80% di ingreso optené den moneda ekstranhero for di promé di yanüari 2022.
E anunsio di e medidanan aki ta konsedí ku un intento di gobièrnu di reforsá e defensa di ekonomia ruso pa ku e sanshonnan anunsiá pa e paisnan oksidental den reakshon na e invashon di Ukrania di parti di Mòsku.
Merka, e miembronan di Union Oropeo i otro paisnan a anunsiá e ekspulshon di algun banko ruso di e sistema internashonal di pago bankario Swift i kualke transakshon ku Banko sentral di Rusia.
E último medida ei ta buska pa neutralisá un parti di e reservanan gigantesko di divisa ekstranhero ku Rusia a akumulá den último añanan, en partikular danki na su ingresonan pa aktividatnan petrolero.
