PANAMA, AP.- Te na momentu ku nos a bai imprenta, e konteo di elekshon na Panama no tabata kla. Pero Laurentino Cortizo tabata na kabes di e elekshon aki.
Laurentino Cortizo tabata enkabesá e resultadonan preliminar di e elekshon presidensial panameño, esun ku mas diskushon, kompañá ku pleitu ayera.
E márgen di diferensia tabata asina estrecho ku Romulo Roux e di dos den konteo, segun e anochi di djadumingu tabata serando. Roux a bisa ku e no ta rekonosé e resultadonan te ora e revisá minusiosamente e votonan.
E biaha aki tabata un bataya entre e kandidatonan di e dos partidonan opositor di mas importante, kendenan a sòru pa rabiamentu di parti di e panameñonan mes pa korupshon.
Ku mas di 90% di e mesanan di votashon kla, Cortizo, un empresario kunukero di 66 aña i kandidato pa e partido revolushonario demokrátiko PRD tabata konta ku 33% riba Roux, e opositor Cambio Democratico, e grupo di eks presidente Ricarco Marinelli, ku tabatin 31%.
Ricardo Lombana kende su movementu independiente a entusiasmo hopi mei mei di un skandal di korupshon i asta pa e polítika bieu, tabata na di tres lugá ku 19.4%.
Esaki ta nifiká ku tabatin un diferensia di ménos ku 2% esta kasi 35 mil voto entre Cortizo i Roux.
Roux a dirigí su mes na prensa huntu ku su siguidónan pa atvertí nan ku e no ta bai aseptá e resultadonan ya ku e ta konsiderá ku e konteo tabata demasiado pegá i e tabatin informashon di iregularidatnan.
