JESURALEM, AP.- Por lo ménos 16 palestino entre nan dos muhé na estado i tres israelí a muri na momentu ku tabatin tiramentu entre otro ku rakèt entre e ehérsito israelí i milisianonan na Gaza, asina funshonarionan di tur dos parti a informá ayera.
Dokter Ron Lobel, sup direktor di sentro médiko Barzilai a bisa ku su hospital a atendé mas di 110 persona den 24 ora i a konfirmá 3 morto.
Un israelí ku a muri dilanti di su kas na Ashkelon despues di a keda alkansá pa un rakèt ku a bin di Gaza a bira e promé víktima israelí mata pa rakèt for di despues di guera di 2014 ku milisianonan di Hamas, segun fuentenan médiko israelí a bisa.
Moshe Agadi di 58 aña i tata di kuater yu a risibí un impakto dor di metrayùr den su pechu ora e tabata den kurá di su kas. E impakto dilanti di su kas tabata unu di 600 rakèt tira di Gaza den ménos ku 24 ora, den un tiramentu mas intento di último añanan.
Fuentenan ofisial na Gaza a bisa djadumingu ku 16 palestino a muri for di djasabra pasa debí na atakenan aéreo israelí entre nan Hamed al Khoudary, un komandante di Hamas. Yihad Islamika a konfirmá morto di dos milisiano na Gaza.