SAN JOSE, COSTA RICA, AFP.- Costa Rica a anunsiá djárason ku lo inisiá un transishon kaminda lo reanudá aktividatnan ekonómiko, meimei di un ola fuerte di infekshon di COVID-19.
E presidente, Carlos Alvarado a indiká ku e transishon lo tuma lugá riba 31 di ougùstùs pa 8 di sèptèmber, sigui pa un apertura kontrolá te ku 30 di sèptèmber. Alvarado a agregá ku lo sera tur establesimentu bèk si bini un oumento fuerte den e kasonan di infekshon.
Tur establesimentu komersial por operá ku 50% di su kapasidat entre 31 di ougùstùs i 8 di sèptèmber. Algun restorant, kapsalon i barbershop lo wòrdu limitá na un kantidat di ora.
E minister di salú, Daniel Salas a anunsiá ku e pais a registrá 36.307 kaso di COVID-19 ku 386 morto.
