LA HABANA, CUBA, AFP.- Cuba a pidi Merka yudansa pa restourá un planta importante di kombustibel destruí den un kandela masivo ku a laga 16 morto, segun indikashon di Ministerio di Eksterior riba e isla.
E solisitut a wòrdu realisá durante un reunion ‘online’ entre ekspertonan di e paisnan djárason, kaminda a “eksplorá posibel formanan di koperashon pa drecha e áreanan mas afektá”, asina e ministerio a bisa.
E kandela masivo na komienso di luna a kuminsá despues ku welek a dal riba un tanki di depósito den siudat di Matanzas.
Kuater di e ocho tankinan den e depósito, ku kapasidat pa warda 53 mion liter di kombustibel, a kolèps durante e kandela, ku a laga 132 persona leshoná.
E 16 personanan ku a fayesé ta bomberonan ku tabata lucha pa paga e kandela.
