LOS ANGELES, MERKA, AFP.- Tur outo nobo na California mester ta “sero emishon” pa aña 2035, segun un lei/teksto aprobá den e Estado, ku ta hasiendo tur esfuerso pa un transishon di energia na Merka.
Ambientalistanan a aploudí e medida, i ta spera ku esaki lo motivá otro estadonan pa adoptá vehíkulonan eléktriko.
Normanan anunsiá pa e Hunta estatal di Rekursonan Atmosfériko kada biaha di nobo ta eksihí un porsentahe mas abou di emishon, te ora logra prohibí esaki kompletamente dentro di 13 aña.
California a anunsiá e lei nobo despues ku Biden a anunsiá un plan di insentivo di miónes di dòler pa programanan di ‘green energy’.
Noruega su meta ta pa tur vehíkulo nobo produsí sero emishon pa 2025. Reino Uní Singapore i Israel ke logra esaki pa 2030, miéntras ku Union Europeo ke prohibí tur benta di outonan di gasolin i diesel pa 2035.
