BEIRUT, AP.- Damasco a bombardiá un edifisio eskolar na nort di e pais intenshonalmente, segun un komishon di Nashon Uní tokante e guera na Siria. 21 mucha a fayesé den e insidente aki.
Forsanan gubernamental i su aliadonan a mustra un “indiferensia total pa bida di e sivilnan i derechi internashonal” atraves di e uso kontinuo di bòm, arma i gas di kloròks komo arma di guera. Asina Komishon Investigashon Independiente Internashonal di Nashon Uní a señalá.
Ademas, e komishon a señalá un grupo insurgente ku al-Qaeda ku ta lucha na banda di rebeldenan na Siria i un grupo kurdo respaldá pa Merka pa reklutá adolesentenan pa e kombate.
E atake den e sentro eskolar di lokalidat Hass, den provinsia rebelde di Idlib, ta konstituí un krímen di guera, segun e komishon a bisa. El a agregá ku e forsa aéreo sirio ta esun úniko konosí pa operá e djètnan identifiká den e atake.
E deskubrimentunan di e komishon di Nashon Uní a a tuma lugá e mesun dia den un rapòrt di Médikonan pa Derechi Humano ku tabata akusá e gobièrnu sirio di ninga provishon internashonal di kuminda i remedi na miónes di sirio den áreanan kapturá.
E informe ta konkluí ademas ku e forsanan gubernamental a ataká e infrastruktura deliberadamente. E atake, ku no a wòrdu hustifiká i kual a riesgá akseso di 5,5 mion persona na awa di bebe, tabata un krímen di guera.
