APASEO EL GRANDE, MEXICO, AFP.- Dies persona a muri i sinku mas a resultá heridá despues di un atake den un bar den estado sentral di Guanajuato, un di esnan di mas violento na Mexico, segun indikashon di outoridatnan djadumingu.
E agreshon a sosodé despues di 11 or di anochi riba djasabra den e bar “El Estadio” na momentu ku un grupo di hòmber arma a drenta i basha bala riba klientenan i empleadonan di e establesimentu, ku a keda riba un karetera ku ta uni siudatnan di Celaya i Queretaro.
Ocho persona a fayesé na e sitio, dos muhé i seis hòmber, i shete mas a sali leshoná, segun e parti ofisial di fiskal estatal.
Mas despues outoridatnan a konfirmá morto di dos herido. Ta trata di un dama di 23 aña i un menor di 16 ku a fayesé miéntras nan tabata hañando tratamentu na hospital.
