RIGA, LETONIA, AFP.- E sekretario di estado merikano Antony Brinken i minister israelí di asuntunan eksterior Yair Lapid a reuní ayera na Riga, Letonia pa papia di e invashon ruso na Ukrania i e posibilidat di un akuerdo riba e programa nuklear iraní.
Lapid a biaha pa e kapital Letonia pa reuní ku e hefe di diplomasia merikano dos dia despues ku promé minister israelí, Naftali Bennett a reuní durante tres ora na Mòsku ku presidente Vladimir Putin pa haña un forma di pone fin na e konflikto na Ukrania.
“Pa pone fin na e guera mester negoshá”, asina Lapid a bisa na inisio di e reunion na un hotèl di Riga na e kapital.
“Israelí ta papia ku e dos partidonan tantu ku Rusia komo Ukrania i nos lo traha den kordinashon total ku nos aliado di mas grandi, Merka i ku nos sosionan oropeo”, asina el a agregá.
Blinken agradesí Israel pa su esfuersonan pa haña un salida pa e guera.
Pa loke ta e akuerdo nuklear firmá na 2015 entre Tehran i e potensialnan grandi, tur dos pais ta un i komprometé pa Iran no por hamas haña un arma nuklear, asina Blinken a sigurá.
