ROMA, ITALIA, AFP.- Italia ta konsiderando pa usa propiedatnan konfiská di Mafia pa akohé refugiadonan ukraniano, segun indikashon di e minister di interior djaluna.
E agensia ku ta atministrá propiedatnan di mafia a kuminsá studia e propiedatnan ku “por usa riba término kòrtiku, pa akomodá refugiadonan di Ukrania”, segun indikashon di Luciana Lamorgese, segun un informe.
E agensia lo konsiderá edifisionan i kasnan ku a bira propiedat di e siudat i pueblonan, pero kual no ta den uso ainda, asina el a agregá.
Alrededor di 17,286 ukraniano a drenta Italia desde ku Rusia a invadí Ukrania riba 24 di febrüari, segun indikashon di e ministerio di interior.
