POISSY, FRANSIA, AFP.- Presidente franses Emmanuel Macron a bisa ku e no ta kere ku por negoshá un solushon real entre Mòsku i Kiev pa pone fin na e konflikto den Ukrania den e próksimo dianan i simannan i p’esei e guera lo kontinuá.
For di Poissy serka di Paris den su promé presentashon komo kandidato pa presidensia franses e hefe di estado a enfatisá tambe ku e paisnan oropeo lo no drenta direktamente den e konflikto pasobra un guera ku lo ta un guera mundial ku un potensia pa armanan nuklear.
“Mi ta masha honesto; a korto plaso e guera probablemente lo sigui”, asina Macron a bisa. “Mi no ta kere ku den próksimo dia ni simannan lo tin un solushon di bèrdat den negoshashon”, el a sigurá. Segun Macron, “e diskushonnan ta difísil ku Putin pasobra e ta rechasá e paro den e guera” k ta e kondishon previo pa u diálogo di bèrdat entre Mòsku i Kiev, asina el a lamentá.
E ofensivo ruso, ku a kuminsá dia 24 di febrüari ta kontinuá i e presidente ruso a pone komo kondishon preliminar pa e resolushon di e konflikto ku Kiev ta aseptá tur e eksigensianan di Mòsku, spesialmente e desmilitarisashon di Ukrania i un status neutral pa e pais.
