HELSINKI, FINLANDIA, AP.- Polis di Finlandia a señalá ku a detené dos solisitante di asilo irakí pa sospecho di ladronisia i asesinato.
Korte di distrito di Kajaani a ordená pa ámbos keda den kustodia miéntras e investigashon ta andando pa asesinato di un hòmber lokal, kual su kurpa a wòrdu hañá djadumingu, e oudiensia di djárason a realisá den forma privá.
Djadumingu, e inspektor di hefe di polis, Jarkko Maksniemi a bisa ku a haña kadaver di un hòmber di 50 aña na kanto di kaminda den pueblo di Otonmaki, serka di Kajaani, den sentro di e pais. El a bisa na AP ku e dos hòmbernan, kende no a wòrdu identifiká na nòmber, tabata sospechoso di hòrta i asesiná e víktima. El a ninga di duna mas detaye.
