RIO DE JANEIRO, AP.- E intervenshon militar na Rio de Janeiro a terminá ku masha tiki resultado i ku vários krítika.
Presidente Michel Temer a dekretá e medida despues di un ola di asalto i episodio di violensia i tambe ku e speransa di kombertí den un figura eksitoso pa reelekshon.
Pero algun dia promé ku e programa su final, kual ta 31 di desèmber, e militarnan ta preparando pa retirá di e área.
“Mi a kumpli ku tur meta pero mi no a logra 100% den kada un. E promé ophetivo tabata pa disminuí e tasa di kriminalidat gradualmente”.
Ounke e militarnan a trese un balanse den e intervenshon polisial i kalifiká esaki komo eksitoso, e índise i sifranan ta mustra otro.
Entre yanüari i novèmber di e aña aki, kompará ku e mesun periodo di e aña anterior e asaltonan arma a redusí ku 29%, robo di karga ku 23%, asesinato a disminuí ku 6% i robo di vehíkulonan ku 3%, segun datonan di Instituto di Seguridat Públiko ku ta dependé di e gobièrnu di Rio de Janeiro.
Algun sifra a empeorá òf keda praktikamente meskos apesar di un desembolso di 250 mion dòler pa seguridat i un kantidat rèkòrt di operashonnan polisial.
