SAO PAULO, BRASIL, AFP.- E kantidat di morto kousá pa e temporada di áwaseru rèkòrt ku a gòlpia sùitost di Brasil fin di siman pasá a subi na 54, segun indikashon di outoridatnan djabièrnè.
Sao Sebastiao, un destino turístiko di play 200 kilometer leu di siudat di São Paulo, a haña mas ku 680 milimeter di áwaseru den 24 ora, mas ku dòbel di loke a pronostiká pa e luna kompleto i e kantidat di mas haltu akumulá den un dia den historia di Brasil, segun outoridatnan.
Te ainda outoridatnan a identifiká 54 morto i ya a identifiká 16 hòmber, 16 muhé i 15 mucha segun informashon di gobièrnu di estado di São Paulo, kual su konteo anterior tabata 50 morto.
Outoridatnan ta kalkulá ku alrededor di 30 persona ta pèrdí i ta sigui buska den e barionan afektá pa desplasamentu di tera i inundashonnan.
Mas ku 4.000 persona a keda desplasá di nan kasnan, segun e konteo ofisial.
E gobernador di São Paulo, Tarcisio de Freitas, a atmití djaweps ku e sistema di aviso na e pueblo via mensahe di teksto no tabata sufisiente pa evitá e tragedia i a anunsiá ku lo instalá sirenanan den áreanan di riesgo i lo konstruí algun kas pa esnan desampará.
