QUITO, ECUADOR, AP.- E promé sita antisipá entre representantenan di gobièrnu i lidernan indígena pa sali for di e krísis polítiko na Ecuador a wòrdu kanselá pa problema tékniko, miéntras polis i militantenan a wòrdu desplegá den e kapital kaminda e manifestantenan ta inisiá nan protesta.
E delegashonnan di negosiashon a trasladá pa un sitio sekreto, ounke e enkuentro no a wòrdu realisá.
Un komunikado di e delegashon di Nashon Uní na Ecuador a indiká ku tres organisashon indígena, entre nan Konfederashon di Nashonalidatnan Indígena, “a ratifiká nan boluntat pa reuní awe mes pa negoshá i haña un solushon”.
Voluntarionan médiko i paramédiko a duna diferente muhé, mucha i hòmbernan heridá asistensia médiko na Kas di Kultura, un di e sitionan kaminda e manifestantenan a kongregá.
