QUITO, AP.- Ecuador a kumpli kasi un siman di protesta riba kaya, prinsipalmente den e kapital, Guayaquil i otro siudatnan. Míles di siudadano ta manifestá kontra loke nan ta konsiderá komo un froude elektoral, miéntras presidente Rafael Correa a bisa ku esaki ta keda krea káos.
Gran parti di e manifestashonnan a keda realisá di forma pasífiko, ounke tabatin insidentenan aisla di violensia, manera plenamente entre manifestantenan i polis.
E manifestantenan a mobilisá ku lema manera “froude, froude” i “konteo di voto pa voto”. Nan a manifestá asta den áwaseru na Quito djabièrnè anochi i djasabra mardugá. Na Guayaquil, un grupo a avansá te na e instalashonnan di un korant estatal i a tira webu kontra instalashonnan miéntras nan tabata grita “prensa korupto”.
2 di aprel, tur voto di elekshon a wòrdu kontá. Konseho Nashonal Elektoral a anunsiá ku ofisialista Lenin Moreno a gana elekshon ku un bentaha alrededor di dos punto.
Esaki a generá malkontentu entre votadónan, konsiderando e resultado komo froude kontra Guillermo Lasso.