BUENOS AIRES, AP.- E eks visepresidente argentino Amado Boudoua wòrdu detené djabièrnè pa supuesto delitonan di asosiashon ilegal i labamentu di plaka i a uni otro miembronan di gobièrnu di Cristina Fernandez kende ta detené.
Boudou, kende a fungi komo minister di Ekonomia durante parti di e mandato di Fernandez, a wòrdu detené den su departamento di Buenos Aires pa polis di wardakosta i a paresé mesora dilanti hues Ariel Lijo.
E kanalnan di televishon a mustra imágennan di Boudou miéntras e tabata detené mardugá pa wardakosta i despues el a wòrdu trasladá pa e edifisio di tribunalnan di bui i ku un chaleko antibala.
Despues di a haña sa di e detenshon, eks presidente Fernandez a tweet: “E demokrasia di Argentina ta na riesgo”. Ademas, Lijoa ordená detenshon di Jose Maria Nunez Carmona, sosio di e eks visepresidente, tambe pa supuesto asosiashon ilegal.
Den su òrdu di detenshon, reprodusí pa Sentro di Informashon Hudisial, e hues a konsiderá ku e sospechosonan a dediká na kometé delitonan “pa haña benefisio ekonómiko” i ku e asosiashon ilegal a wòrdu liberá pa Boudou kende a funshoná desde 2009, na momentu ku el a bira minister di Ekonomia, te desèmber 2015, na momentu ku el a finalisá su mandato komo visepresidente.
