SIUDAT DI GUATEMALA, AP.- Un hues a manda eks presidènt e guatemalteko Otto Perez Molina i su visepresidente Roxana Baldetti huisio. Ámbos ta wòrdu akusá pa korupshon.
E desishon di e hues Miguel Angel Galvez ta pasa dos aña despues ku Fiskal i Komishon Internashonal Kontra Impunidat na Guatemala (CICIG) hasi un investigashon públiko. E investigashon tabata un struktura integrá pa eks mandatarionan, funshonarionan, i empresarionan i partíkulanan involukrá den un supuesto defroudashon duanero pa vários mion dòler.
Fiskal ta akusá Perez Molina i Baldetti, kende a goberná na Guatemala entre 2012 i 2015. Nan ta wòrdu dominá pa “La Linea” ku a paga duana atraves di soborno i komishonnan. Esaki a defroudá e Estado.
Tantu Perez Molina komo Baldetti a ninga e kargonan i responsabilisá fiskal general Thelma Aldana i e hefe di CICIG, Ivan Velazguez di “inventá” un kaso sin prueba kontra ámbos.
Entre e evidensianan proporshoná pa fiskal tin míles di yamadanan interseptá di esnan involukrá supuestamente bayendo di akuerdo pa repartí sobornonan, dokumento i testimonionan di dos kolaborador: Juan Carlos Monzon, eks sekretario priva i man drechi di Baldetti i Salvador Gonzalez, eks finansiadó di e organisashon.
Baldetti ta detené akusá den kuater kaso di korupshon miéntras Perez Molina ta akusa den dos kaso. Debí na desena di rekursonan legal presentá pa defensa di 30persona, e avanse di e kaso a stanka.
