WASHINGTON, AP.- Presidente eligí Donald Trump a probechá di tur oportunidat di krítika òf menasá tur kompania individual ku ta mete den su kaminda pero mayoria empresario di Merka no ta mira Trump komo un atversario di bèrdat, pero mas bien komo un amigu poderoso. Apesar di su aktitut di intimidá algun empresario, vários ta animá pa e promesa di e magnate pa redusí impuesto i suavisá reglanan di presidente Barack Obama, kual tabata buska moda di protehá trahadónan mei mei di un ambiente i sistema finansiero. Tambe nan a reakshoná riba e optimismo di e anunsionan di su nominashon pa e departamento di trabou i e agensia di protekshon di medio ambiente. E perspektiva di un ekonomia mas fuerte i mas ganashi ta awor e punto mas atraktivo ku mayoria di e empresanan i esnan di merkadonan di bolsa ta minimisando e insertidumbre ku a surgi despues di e viktoria presidensial di Trump luna pasa. E promedio industrial Dow Jones a subi ku 8% pa un rekòr máksimo for di despues di elekshonnan pa e espektativanan di kresementu ekonómiko mas lihé. Ounke Trump a menasá ku apliká un tipo di but di 35% pa e kompanianan ku muda nan trabounan pa ekstranheria pa asina atraé merkansia pa Merka, e presidente di e asosashon nashonal di fabrikantenan Jay Timmons no ta kere ku esei ta un prioridat di e presidente eligí. Trump a bisa ku e lo tin gana pa Apple habri su fábrika di mas grandi na Merka. Riba petishon di Trump, Carrier anunsiá ku e lo mantené e 800 empleadonan di un fábrika na Indianapolis, pero e lo muda otro empleonan pa México. Trump a humiá públikamente e fabrikante di Rexnord pa a trasladá su trabounan di Indiana pa México, menasando di apliká impuestonan èkstra riba e empresarionan ku muda nan empleonan pa ekstranheria
