ISTANBUL, TURKIA, AFP.- E presidente Turko, Recep Tayyp Erdogan, a anunsiá djaluna ku un lockdown nobo lo drenta na vigor desde djasabra pa kontené propagashon di e coronavirus nobo, señalando ku e medidanan restriktivo lo wòrdu suavisá progresivamente.
“Lo tin un prohibishon pa sali riba kaya di 16 pa 19 di mei”, asina Erdogan a bisa, siguiendo konseho di e ministernan di Istanbul.
E gobièrnu a prohibí pa tur e turkonan sali for di kas durante fin di siman, pa evitá konsentrashon grandi di hende.
Erdogan a afirmá ku Turkia a “kontrolá e epidemia” i ku e medidanan lo wòrdu suavisá. “E proseso di normalisashon no ta nifiká ku kos lo bira manera tabata promé ku 10 di mart”, despues ku a registrá e promé kaso di covid-19.
