ISTANBUL, TURKIA, AFP.- Presidente Recep Tayyip Erdogan a bisa ku Turkia lo no saka refugiadonan sirio for di e pais i manda nan bèk, apesar di preshon di partidonan opositor.
Turkia ta kas pa mas di 3,6 mion refugiado sirio ku ta hui di e guera sivil ku a inisiá na aña 2011.
Siman pasá, e lider opositor prinsipal, Kemal Kilicdaroglu a bisa ku su partido lo manda e refugiadonan nan pais bèk, dentro di dos aña si e yega na poder.
“Nos lo protehá tur esnan ku a hui di e guera i buska refugio den nos pais”, sin importá loke ku e lider di CHP bisa, segun indikashon di Erdogan den un informe.
“Nos lo no saka nan for di e pais aki. Nos portanan ta habrí pa nan i nos lo sigui akohé nan. Nos no tin intenshon di tira nan den skochi di asesinonan”.
Turkia a aseptá kasi sinku mion refugiado, inkluyendo sirionan i afganonan, pero nan presensia a kousa tenshon ku lokalnan, spesialmente dor ku e pais ta den un krísis ekonómiko i preis haltu di energia i kuminda.
