EL RODEO, GUATEMALA, AP.- E ròndu nobo di evakuashonnan ordená pa outoridat guatemalteko a generá pániko asta den zonanan serka di Volcan de Fuego kaminda e òrdu no ta konta.
E zonido di e sirenanan e yena e ambiente djamars miéntras unidatnan di reskate a wòrdu desplegá den e zonanan mas afektá debí na e fluhonan nobo piroklastiko.
E agensia di maneho di desaster di Guatemala a pidi e habitantenan pa keda trankil, pero debí ku e erupshon di djadumingu a wòrdu registrá virtualmente sin ningun aviso, mayoria persona a disidí pa no kore rísiko.
Desena di persona tabata kana na kantu di kaya kargando nan yunan òf pertinensianan miéntras tráfiko tabata paralisá den partinan di e departamento di Escuintla, na sùit di e volkan. Solamente komunidatnan di Escuintla a haña òrdu di evakuashon, pero den e parti mas isolá di e departamento, e negoshinan tabata serka i mayoria tabata bandoná nan kasnan.
