DAYTON, OHIO, MERKA, AP.- E mayornan di e persona responsabel pa e tiroteo na Dayton, Ohio, lo organisá entiero privá p’e atakante i su ruman muhé, un di e personanan ku a muri durante di e atake.
Un funerario di Bellbrook, a publiká e anunsio di morto di Conor Betts di 24 aña i su ruman muhé Megan, di 22 aña.
No tin detaye tokante fecha di e servisionan aki.
Polis a bisa ku Conor Betts a mata nuebe persona na Dayton riba 4 di ougùstùs promé ku agentenan a tir’é mata. Investigadónan a indiká ku no ta evidente si e kier a mata su ruman muhé.
E amigu di e agresor lo paresé den korte pa un demanda ku no ta relashoná ku e tiroteo. Segun polis, e amigu a kumpra artíkulonan pa Betts usa den e atake.
E anunsio di morto di Connor Betts ta indiká ku e tabata studia na e Kolegio Komunitario Sinclair.
Su ruman muhé a gradua den desèmber, na Universidat Estatal Wright.
