MEDELLIN.- Fayo humano a bordo di e avion, e kompania di aviashon LaMia i outoridatnan di aviashon na Bolivia, tabata kousa di e tragedia aéreo na final di novèmber di un charter di Bolivia, algu promé ku su aterisahe na Medellin. Esaki ta loke e rapòrt por lo pronto di investigashon ta konfirmá. Durante di e tragedia aki un parti grandi di e ekipo di futbòl brasilero Chapecoense, a pèrdè nan bida. E kabesante di seguridat di tráfiko aéreo, e kolonèl Freddy Bonilla, a duna di konosé ku no tabatin ningun kousa tékniko, ku ta solamente fayonan humano.
Problemanan tékniko
Di e 77 pasaheronan solamente 6 hende a sobrebibí e ‘crash’. E avion di e type Avro RJ85 a kai djis algu promé ku e aterisá pa falta di kombustibel. E piloto no a tuma nota na tempu ku nan tabatin kombustibel di ménos i ta e problemanan tékniko a alerta nan esaki.
E mester a pone kombustibel for di promé ku a lanta buelo. E outoridatnan di aviashon na Santa Cruz di ‘la Sierra’ kaminda e avion a lanta, a bai di akuerdo ku e plan di buelo den kua segun Bonilla tabata totalmente inaseptabel.
