WASHINGTON, AP.- Agentenan di FBI, ku òrdu hudisial a drenta kas di Paul Manafort, e eks hefe di kampaña di Donald Trump, segun un bosero di Manafort a bisa djárason.
Jason Malonia a bisa ku FBI a drenta kas di Manafort, pero no a bisa na ki momentu esaki a pasa. E korant, The Washington Post, ku tabatin primisia di loke a pasa, a bisa ku e entrada hudisial aki a tuma lugá dia 26 di yüli den un kas di Manafort na Alexandria, Virginia, i tabata na kargo di e fiskal independiente Robert Mueller.
Manafort ta opheto di un investigashon largu di FBI pa su transakshonnan den Ukrania i su trabou pa eks presidente Viktor Yanukovyck. E asuntu aki a wòrdu inkorporá den e proseso ku Mueller ta dirigí, kende tambe ta investigando Manafort pa interferensia ruso ku elekshon presidensial di 2016.
Manafort, kende tabata hefe di kampaña di Trump durante algun luna, a rechasá di a kometé e delito aki.
Manafort a koperá ku komishonnan legislativo ku ta investigá e interferensia elektoral i a entregá dokumentonan na komishonnan hudisial i di inteligensia di Senado. Un dia promé ku e entrada hudisial el a wòrdu interogá den privá pa personal di komishon di inteligensia di Senado.
