FILADELFIA, AP.- E direktor di FBI James Comey a anunsiá ayera apruptamente ku Hillary Clinton lo no keda presentá ku kargonan penal pa asuntu di e-mailnan di tempu e tabata sekretario di estado I ku a keda deskubrí resientemente. Di e forma aki e ta kibra e insertidumbre di último dianan di e kampaña di e kandidato presidensial demókrata.
Den un karta dirigí pa e legisladónan ora ta falta solamente dies dia pa elekshon, Comey a anunsiá ku FBI a traha 24 ora pa prosesá i revisá e kantidat di emailnan ku a haña den un server di Anthony Weiner eks miembro di kámara di representante ku a baha i kasa di Huma Abedin un di e kolaboradornan prinsipal di Clinton, pero di kende e ta separá.
Comey a bisa ku e análisis di e dokumentonan no a modifiká e balorashon di FBI efektuá aña pasa di Clinton, ku e no mester keda enhuisia pasobra el a usa un server priva pa manehá informashonnan sekreto tempu e tabata enkargá ku deportamentu di estado.
E ekipo di kampaña di Clinton a ekspresá satisfakshon pa ku e anunsio di FBI.
“Nos ta kontentu ku a solushoná e asuntu”, asina Jennifer Palmieri direktor di komunikashon di Clinton a bisa na reporteronan.
