BEIRUT, LIBANO, AP.- Tras di un siman di atakenan aéreo, forsa arma di gobièrnu sirio a kita e bario sentral den Alepo for di e rebeldenan djamars último, i un ofishal a bisa ku e ofensiva lo kontinuá te ora ku “eliminá” tur insurgente. E planta di televishon estatal a bisa ku forsanan ofisial a kapturá Farafa, serka di e siudat di Alepo, i ku kombatenan ta kontinuá serka di e sentro históriko di e siudat. Alepo ta e siudat mas grandi i ta e eks sentro komersial di Siria. E ta blanku di ophetivo di kombatenan feros despues ku rebeldenan a tuma vários distrito oriental na 2012. E sentro di Alepo un di e siudatnan mas bieu di mundu, deklará un patrimonio pa humanidat dor di UNESCO. Opservatorio sirio pa derechonan humano, ku sede na Gran Bretaña a konfirmá ku forsanan di gobièrnu tabata avansá den e bario históriko en kuestion.
11 persona a muri tras di e atakenan aéreo djamars i e insurgentenan a bombardiá un aldea serka di Nubal i Zahraa kaminda un beibi a fayesé. Tambe mas trempan tabatin bombardeo na ost di Alepo. Parse ku gobièrnu a prepará e atake, asina Ibrahim Alhaj, miembro di defensa sivil di Siria a bisa.
