TONNEINS, FRANSIA, AFP.- E violashon i asesinato di Vanessa, un mucha muhé di 14 aña a konmoshoná Fransia spesialmente su bisiñanan di Tonneins kaminda e alkalde a indiká ku e lo keda derá na Spaña kaminda el a biba hopi aña ku su mayornan di orígen kolombiano.
“E famia ta deseá di dera e mucha den un region di Granada, di unda nan ta bin” promé di a yega Fransia, asina Dante Rinaudo a bisa durante di un rueda di prensa.
E adolesente a keda sekuestrá djabièrnè serka di su sentro di sekundario, violá i asesiná pa e sospechoso Romain C di 31 aña kende ta den aresto preventivo aktualmente.
Un marcha di homenahe pa e víktima lo tuma lugá djabièrnè awor na Tonneins despues di un misa.