QUITO, ECUADOR, AP.- Ecuador a risibí respaldo di Fransia pa logra e firmamentu di un akuerdo komersial ku Union Europeo entre sèptèmber i desèmber. Asina e gobièrnu a informá djaweps.
Visepresidente ekuatoriano Jorge Glas a reuní ku e promé minister franses Manuel Vals na Paris, kende a “manifestá e respaldo apsoluto di Fransia pa Ecuador pa loke ta firmamentu di e akuerdo komersial ku Union Europeo e aña aki”. Asina un komunikado di visepresidensia ekuatoriano a indiká.
E apoyo di Fransia ta uni e respaldo di Lituania, Suesia, Dinamarka, Finlandia, Polonia, Italia i Spaña.
Ecuador kier konkretá un akuerdo komersial paso fin di aña e preferensianan di tarifa ku e produktonan ekuatoriano ta benefisiá di dje i ku ta wòrdu eksportá pa Europa ta terminá.
E preferensianan pa benefisiá ta banana i produktonan di laman ku mas di 19% i tambe flor ku kasi 5%. Banana, e produkto no petrolero prinsipal ku ta wòrdu eksportá pa Europa ta na kasi 20% total.
Union Europeo ta e promé destino di eksportashon ekuatoriano no petrolero ku 2.981 mion dòler na aña 2014.
