TALLAHASSEE, FLORIDA, MERKA, AP.- Gobernador di Florida, Rick Scott a kanselá su biahe ku e mester a hasi pa Washington pa pidi yudansa ekonómiko na kongresistanan den e lucha kontra zika.
Jacki Schutz, bosero di e gobernador, a bisa ku Scott lo keda na Florida pa supervisá e tareanan di rekuperashon despues ku Orkan Hermine a pasa.
Tabatin un oumento di kasonan di Zika den e estado luna pasá.
Kongreso a reanudá su labornan despues di un reseso di verano djamars. Presidente Barack Obama a pidi 1.900 mion dòler den fondo di emergensia pa desaroyá un vakuna i eliminá e poblashon di sangura di kargadónan di e vírus.
