HONG KONG, AP.- E siudadanonan di Hong Kong a marcha durante vários ora durante un protesta masivo. E hefe di Ehekutivo a diskulpa pa e forma kon el a manehá un lei ku a generá temor ku Beijing ta oumentá su kontrol riba e eks kolonia britániko.
Kasi dos mion di e 7 mion habitantenan di e siudat a sali pa protesta, segun kalkulashon di e organisadónan. Polis a konta 338.000 persona riba e ruta designá di e marcha.
E habitantenan di Hong Kong ta konsiderá e desishon komo un plan pa eliminá libertat i e outonomia legal di Hong Kong. Esnan ku ta kritiká e lei ta preokupá pa e echo ku delinkuentenan ta wòrdu manda pa enfrentá un huisio polítiko na China, kaminda nan ta kore rísiko di wòrdu tortura i risibí huisionan inhustu.
Aparte di esaki, e manifestantenan a protesta pa e violensia ku polis a usa pa restourá “pas” durante e protestanan di djárason.
